தர்மபுரி: 2026 சட்டமன்றத் தேர்தலில் திமுக மீண்டும் ஆட்சியை அமைக்கும் என நம்பிக்கை தெரிவித்தார் முதல்வர் ஸ்டாலின். தர்மபுரியில் திமுக எம்பி மணி இல்லத் திருமண விழாவில் கலந்து கொண்டு பேசிய அவர், திமுக மீது சதி, அவதூறு எதுவாக இருந்தாலும் மக்கள் நம்பிக்கையால் வெற்றி நிச்சயம் என கூறினார்.
சென்னையில் நடைபெற்ற அனைத்து கட்சி கூட்டத்தில், தேர்தல் கமிஷனின் நடவடிக்கை குறித்து தீர்மானம் நிறைவேற்றப்பட்டதை முதல்வர் ஸ்டாலின் நினைவு கூர்ந்தார். சீராய்வு என்ற பெயரில் வாக்காளர் பட்டியல் மாற்றம் செய்து உண்மையான வாக்காளர்களை நீக்க முயற்சி நடக்கிறது என்றார்.
பீஹாரில் நடந்ததைப் போல பிற மாநிலங்களிலும் வாக்காளர் பட்டியல் மாற்றம் செய்ய முயற்சி நடப்பதாக குற்றம் சாட்டினார். அதிமுக கூட்டத்தில் பங்கேற்காததை குறிப்பிடும் அவர், ஆயினும்கூட அந்தக் கட்சியும் தேர்தல் கமிஷன் நடவடிக்கைக்கு எதிர்ப்பு தெரிவிக்க வேண்டும் என கருத்து தெரிவித்தார்.
பழனிசாமி இரட்டை வேடத்தில் நடந்து வருகிறார்; பாஜகவுக்கு பயந்து தேர்தல் கமிஷனை எதிர்க்க முடியவில்லை என விமர்சித்தார். அதிமுக தலைவர் பாஜக பாதை பின்பற்றுகின்றார் என்றும் ஸ்டாலின் தெரிவித்துள்ளார்.
பாஜக எந்த சதியையும் செய்தாலும் தமிழகத்தில் அவர்களின் முயற்சிகள் வெற்றியடையாது, திமுக 2.0 ஆட்சி 2026ல் உருவாகும் என்றும் அறிவித்தார். மக்கள் நம்பிக்கையே திமுகவின் பலம் என வலியுறுத்தினார்.
2021ல் அதிமுகவிடம் இருந்து அரசு மீட்டோம்; 2026ல் பாஜக-அதிமுக கூட்டணியின் முயற்சிகளை தடுக்க வேண்டும் என தெரிவித்தார். தமிழ் உணர்வை வளர்த்திட வேண்டும், குழந்தைகளுக்கு தமிழ் பெயர் சூட்ட வேண்டும் என பொதுமக்களை அவர் கேட்டுக்கொண்டார்.
